KUUL, ‘t Katers-Uul-Leedjessjpektakel
Winnaar Kuul sezoen 2026
Geweun Ingrid & Edwin mit “‘t Verbóndj van leuke luuj”
De winnaar van Kuul-sezoen 2026 zeen bekind! ‘T duo Geweun Ingrid & Edwin haet mit häör leedje ‘t Verbóndj van leuke luuj zowaal ‘t pebliek es de sjuurie veur zich weite te winne.
Zie winne de titel:
“VASTELAOVESSJLAGER VAN GROOT REMUNJ”
Bie deze eretitel häöre netuurlik ouch weer optraejes op de 11e van de 11e, de Sjtasiefestasie, Vastelaoves Villaasj in Neel, en ouch nog ins eine geldjpries van € 555,55!!
Edwin van den Boom sjreef de teks en de meziek.
Mit deze euverwinning veuge Ingrid en Edwin zich in ‘t riejke van Kuul-winnaars die ‘t Remunjse mezieklaeve kleur gaeve. Häör winnend leedje ‘t Verbóndj van leuke luuj zal binnekórt ouch te heure zeen via de lokale omroop, online kanale en in de kefees van Remunj en Neel.
’t Verbóndj van leuke luuj Geweun
Ingrid & Edwin
Tekst en muziek: Edwin van den Boom
Intro:
(instrumentaal)
Couplet 1:
Giester leep ich door de sjtad, ich haaj ’t nao de zin
Aan de handj van miene sjat, det waas pas ’t begin
V’r zooge vastelaovesvierders allemaol biej-ein
Die dansde dao De Waever op ’t Munsterplein
Ze zonge “goeienach” en knielde oppe grondj….
En sjprónge “Falderietsem” op en sjlaote ein verbondj
Refrein:
Eder jaor opnuuj viere veer de Vastelaovend
Eder jaor opnuuj zeen veer in ein gooie buuj
Eder jaor opnuuj sjloete veer mit Vastelaovend
Eder jaor opnuuj ein verbóndj van leuke luuj
Eder jaor opnuuj ein verbóndj van leuke luuj
Couplet 2:
V’r zagte taegenein: Dé’s leuk!, tradisies euveral
En mit de Vastelaovend is det nóg meer ’t geval
Det mótte leuke luuj zeen hie, die viere zo mit-ein
Veer sjloete ós gaer biej häör aan, jónk en aad biejein
Dan sjtart hie ’t verbóndj vandaag van lol en van plezeer,
V’r danse same door de sjtad, en drinke ein glaas beer….
Refrein:
Eder jaor opnuuj viere veer de Vastelaovend
Eder jaor opnuuj zeen veer in ein gooie buuj
Eder jaor opnuuj sjloete veer mit Vastelaovend
Eder jaor opnuuj ein verbóndj van leuke luuj
Eder jaor opnuuj ein verbóndj van leuke luuj
Couplet 3:
V’r trékke same nao de Werf, in prachtig felle kleure
Dao zeen v’r mit ós vrunj bie-ein, dao geit ’t dan gebeure
V’r make drie daag lol, toet det Bacchus weer geit drieve
Dan is ’t weer gedaon, maar veer wille nog get blieve
V’r pinke waal ein träönke weg, maar dan is ’t ouch klaor
En waere veer weer bliej, want v’r zeen ós volgend jaor!
Refrein:
Eder jaor opnuuj viere veer de Vastelaovend
Eder jaor opnuuj zeen veer in ein gooie buuj
Eder jaor opnuuj sjloete veer mit Vastelaovend
Eder jaor opnuuj ein verbondj van leuke luuj (2x),
Eder jaor opnuuj mit uch, want geer zeet leuke luuj,
Eder jaor opnuuj en noe ein pilske nondeju!
Es Sjtadsvastelaovesvereniging D’n Uul en Vastelaovesvereniging De Katers Neel, zeen veer greuts óm uch in gezamelikheid ’t volgende ónger de aandach te kinne bringe.
Op zóndaagmiddaag 26 oktober 14.00 oer ( zaal aope 13.30 oer ) prizzentere de Katers en D’n Uul uch in gezamelikheid;
KUUL, ‘t Katers-Uul–Leedjessjpektakel.
Ónger dit gezamelik georganiseerd leedjessjpektakel kinne alle deilnaemers gaon sjtrieje óm de eretitel Vastelaovessjlager van Groot Remunj. De middaag vinjt plaats in Kefee-zaal De Sjter in Neel.
Behalve dae eretitel make de deilnaemers kans op ein van de drie plaatse die op de Sjtasiefestasie 2026 gerizzerveerd waere, mit anger wäörd; optraeje veur zón 25.000 miense! Ouch op Vastelaoves Villaasj in Neel waere drie plaatse vergaeve. Veur de winnaar is ‘n plaats gerizzerveerd veur ‘n optraeje op de 11devande11de, in oos Remunj! De pries van € 555,55 veur de winnaar is netuurlik ouch gein sinecure.
Door de gezamelike kemissie van de Katers en D’n Uul waert d’r hel gewirk aan van alles en nog get.
De begeleijing van de deilnaemers waert door ’n liveband verzorg. De waereldbekinde Hub Boesten haet mitwirking toegezag óm de beneudigde meziekarranzjemente veur de deilnaemers te verzorge.
Wilt geer mitdoon mit ‘ne cover, dan kan det ouch! Alle inzendinge waere waal in ’t dialek verwach. In de zjurering waert óngersjied gemaak in de beoordeiling van Vastelaovesleedjes en meugelike covers.
’t Insigste waat geer hoof te doon is zorge veur ‘n teks mit ‘n leedje/wies. Es geer ‘n teks of ’n melodie höb, mer ‘n leedje/wies lastig vinjt (of angersóm), dan helpe veer uch gaer mit óngersjteuning. Let waal: es arties zeet geer zellef diegene die ’t leedje ten geheure bringk, ouch ’t inzinge in de opname.
Melj uch vieje ‘n mailtje aan bie info@dekaters.nl en info@dn-uul.nl
Winnaar Kuul 2024.
“Ich wil sjoemele” 
Oetveurende: Waem Angers.
Teks: H, Greyn, Kompeziesie: T. Decker, Neutjes: T. Decker.
Veer fillesitere Petra Linnartz en Marianne van Etten mit dees euverwinning.
In ein drök bezóch Witte Kirkske streje 10 artieste om de Remunjse Vastelaovessjlager 2025 georganiseerd door De Katers Neel en D’n Uul Remunj. Petra en Marianne, in ‘t vastelaoveslaeve ouch bekind es Gardiste bie de Sjtadsgarde, waerde beloond mit 555 euro en ein optraeje op 11-11, Sjtasiefestasie en de Vastelaoves Village.
Wiejer ware d’r nog ein 2e plaats veur Ceryll Aubert mit “ De Waeg Truuk” en de 3e plaats ging nao Nina Bongaars “Vastelaovend is van ‘os”, häör zeen veer ouch truuk oppe Sjtasiefestasie en Vastelaoves Village.
Winnaar van de Covers waas “Ellef Balonne” van Geweun Ingrid.
ICH WIL SJOEMELE
Oetveurende: Waem Angers
Teks: H, Greyn
Kompeziesie: T. Decker
Neutjes: T. Decker
Refrein
Ich wil sjoemele, same boemele,
Kom geis doe mit mich mit,
Bös doe sjraks ouch helemaol fit.
Ich wil sjoemele, same boemele,
Zit dien zorge aan de kantj,
Sjpring ins lekker oet de bandj.
Ich wil sjoemele, same boemele,
Ouch al bön ich dan kepot,
Geine vaam meer aan de vot.
Ich wil sjoemele, same boemele,
Ouch al bön ich dan kepot,
Geine vaam meer aan de vot.
Koeplet
Ich höb noe al zo lang gewach,
En trek mien sjmienkdoos oet de kás.
Trek ouch nog sjnel mien pekske aan,
En gaon noe dalik flink draan.
Al wurd ut sjtraks ouch nog zo laat,
Ich gaon altied flink oet mien plaat
Zo geit ut meistal keer op keer
Maar ich zegk telkes weer
Refrein
Koeplet
Bös se erm of heel erg riek,
Maakt neet oet in deze tied.
Es se viers, dan vier ut good.
Vastelaovend in ut blood.
Ederein maak väöl plezeer,
Mit ein lekker glaeske beer,
Zo geit ut meistal keer op keer
Maar ich zegk telkes weer
Refrein, 2x
KUUL 2024.
Nao ‘t succes van de 1e edisie van KUUL, ’t Katers-Uul Leedjessjpektakel, kump d’r netuurlik ein vervolg. Dit zal zeen op zaoterdaag 2 nov. 2024 in ’t Witte Kirkske, Veursjtad, Remunj.
Veer, De Katers Neel en D’n Uul Remunj, haope det d’r ouch dit jaor weer väöl deilnaemers gaon sjtrieje om de ere-titel:
VASTELAOVESSJLAGER VAN GROOT REMUNJ
Bie deze ere-titel heurt netuurlik ouch weer ein optraeje op de 11e van de 11e, ein optraeje op de Sjtasiefestasie, Vastelaoves Villaasj in Neel en ouch nog ins ein pries van € 555,55 !!
Meer nuujts, beveurbeeld euver ’t rigglement en de offiesjele insjrieving volge vieja (social) mediakenale van De Katers en D’n Uul.
Veur noe is aevel entjoesjasme, plezeer en….ein (winnend ?) leedje ’t belangriekste.
Pergram
19.33 oer äöpening van de aovend
Sjtart mit Kienjermusical-koor
Deilnaemende artieste:
1. Patrick Gerets – Ich lek mien vingers noe Alaaf
2. Op Good Gelök – Altied Blieve Doon (cover)
3. Sjnaps – De winnaar
4. Ceryll Aubert – De Waeg Truuk
5. Altied Dao – Vastelaovend is in Limburg
• Blok mit PK Neel
6. Geweun Ingrid – Ellef belonne (cover)
7. Nina Bongaarts – Vastelaovend is van os!
8. Polkadots – Ach waat ein prach
9. Hel en d’r naeve – 3 daag de klater op
10. Waem Angers – Ich wil sjoemele
11. Gajus vs Wiesse Oet Zuus
• Blok mit PK D’n Uul
Priesoetreiking
Aansjloetend PartyBoest
Winnaar KUUL 2023/2024
Nog Eine
Oetveurende: Ceryll Aubert
Sjriever en Komponis: Ceryll Aubert
Ceryll Aubert is de meer dan terechte winnaer van de KUUL 2023. Hae waas de bèste van veerteen inzendinge oet Neel en gans Remunj. Op ‘t lest bleve drie finaliste euver: Hel & d’r Naeve en Mick & ziene Aje.
Ceryll is es muzikale doezjendpoot al jaore actief in Remunj en haet noe ziene waal verdeende erkenning gekrege. Cyriel zaet zelf:
‘Geweldig om hie te moge winne. Doe duis eigelik mit veur de gezelligheid, maar zeker dit publiek maak ‘t geweldig om hie op te moge traeje. Ich kiek enorm oet nao ‘t optraeje op de 11e van de 11e in Remunj en de Vastelaoves Villaasj in Neel. Ech ‘ne druim dae oetkump.’
————————————————————————————-
Sjtadsvastelaovesvereniging D’n Uul en Vastelaovesvereniging De Katers Neel, presenteren op zondagmiddag 5 november 2023 “KUUL, ‘t Katers-Uul-Leedjessjpektake
Naast die eretitel maken de deelnemers kans om op te treden bij een aantal grote Vastelaoves-evenementen en een geldprijs van € 555,55. Er zijn 3 plaatsen te vergeven op zowel de Sjtasiefestasie als Vastelaove
Alle deelnemers worden
De welbekende Hub Boesten heeft medewerking toegezegd om de benodigde muziek-arrangementen voor de liveband te verzorgen. Ook met een cover kan men meedoen. Alleen dialect-inzend
Meer nieuws over de prijzen, het reglement, de locatie, de offi
